لاہور (سپورٹس رپورٹر)لاہور قلندرز کے آل راؤنڈر ڈیوڈ ویزے نے کہا ہے کہ لاہور قلندرز کی ٹیم کا حصہ رہنا ان کیلئے اعزاز کی بات ہے۔  لاہور قلندرز کیساتھ وقت گزار کر لطف اندوز ہوتا ہوں۔ قذافی سٹیڈیم لاہور میں مجھے جتنا سراہا جاتا ہے اس سے لگتا ہے کہ میں لاہور کا گود لیا بیٹا ہوں، یہاں کی فین سپورٹ شاندار ہے، کہیں اور ایسا نہیں ہے، یہ میرے لیے خاص چیز ہے، مجھے مرشد کہہ کر پکارا جاتاہے اور یہ سب میرے لیے بڑی اہمیت کا حامل ہے۔ شاہین آفریدی شاندار کپتان ہیں، شروع میں لوگوں نے کہا وہ نوجوان ہیں مشکل ہوگی مگر شاہین کو کھیل کی بڑی سمجھ بوجھ ہے، شاہین میں لمبے عرصے تک کپتان رہنے کی صلاحیت ہے۔ پاکستان سپر لیگ میں مقامی ٹیلنٹ بے حد ہے، بیٹرز ہوں یا بائولرز، نوجوان کھلاڑی سامنے آتے رہتے ہیں، ایسے بائولرز بھی ہیں جو 90 میل فی گھنٹہ کی رفتار سے بائولنگ کرتے ہیں، ٹیم بڑی متوازن ، مومینٹم برقرار رکھتے ہیں تو پھر ٹرافی اٹھا سکتے ہیں ،لاہور قلندرز کا پلیئرز ڈیولپمنٹ پروگرام نوجوانوں کو سامنے لارہا ہے، مقامی کھلاڑیوں نے پی ایس ایل کو مضبوط لیگ بنایا ہے۔ ابھی لیگ میں لمبا سفر ‘ لاہور قلندرز کا آغاز اچھا ‘لیگ آگے بڑھے گی اور پلے آف کا مرحلہ آئیگا سب کو مزید اچھی کرکٹ کھیلنا ہو گی۔لاہور کے تینوں میچز میں ہاؤس فل رہا جو کہ ناقابل یقین ہے۔