فخر زمان بائولرز کی لائن لینتھ تباہ کرنیوالے بیٹرہیں:عبد اللہ شفیق

 لاہور (سپورٹس رپورٹر)لاہور قلندرز کے ٹاپ آرڈر بیٹر عبداللہ شفیق نے کہا ہے کہ فخر زمان اس وقت بائولرز کی لائن لینتھ تباہ کرنے والے بیٹرز میں سے ہیں۔ پی ایس ایل کے پہلے3 میچز کیلئے میں کمبی نیشن میں سیٹ نہیں ہو سکا تھا، میں نے اس وقت مینجمنٹ کے فیصلے کو قبول کیا اور پریکٹس جاری رکھی، جب مجھے موقع ملا تو میں نے پرفارم کیا اور امید ہے تسلسل کو برقرار رکھوں گا۔ ہر فارمیٹ کیلئے کرکٹ کی بنیادی چیزیں ایک ہی ہوتی ہیں میرے مائنڈ میں یہی ہوتا ہے کہ جو بال ملے اس کو میرٹ کے مطابق کھیلوں ، ہر فارمیٹ کو اس کے سٹرائیک ریٹ کے مطابق کھیلنا پڑتا ہے، صورتحال کا جائزہ لینا پڑتا ہے،میں نے خود کو ایک فارمیٹ کیلئے محدود نہیں رکھا ہوا جو فارمیٹ ملے اس کو اس کی ضرورت کے مطابق کھیلتا ہو۔ فخر زمان اس وقت بائولرز کی لائن لینتھ تباہ کرنے والے بیٹرز میں سے ہیں، ان سے بہت کچھ سیکھنے کی کوشش کرتا ہوں ان کی پاور ہٹنگ کی سٹرینتھ کو سیکھ رہا ہوں وہ مومینٹم کو لے کر چلتے ہیں ان کی وجہ سے لاہور قلندرز کی بیٹنگ مضبوط ہے ، یہی نہیں بابر اعظم سے بھی میں بہت کچھ سیکھ رہا ہوں۔