جاںبحق افراد کی نعشیں اور زخمیوں کو ٹی ایچ کیو ہسپتال بورے والا پہنچا دیا گیا
بورے والا میں عارف والا روڈ پر کیری ڈبہ اور ٹریلر میں خوفناک تصادم کے نتیجے میں ایک ہی خاندان کے4 افراد جاں بحق، 3شدید زخمی ہوگئے،بدقسمت خاندان دربار بابا فرید پر حاضری کے بعد واپس آرہا تھا۔تفصیلات کے مطابق مقامی تاجر حافظ ملک مدثر کی فیملی کیری ڈبہ میں سوار ہوکر پاکپتن میں دربار بابا فرید پر حاضری کے بعد واپس گھر آرہے تھے کہ نواحی گائوں 165/ ای بی کے قریب بریک فیل ہونے سے کیری ڈبہ سامنے سے آنے والے ٹرالر کے نیچے جاگھسا جس کے نتیجہ میں حافظ مدثر کی والدہ،اسکی بیوی،بیٹی اور بھانجاجاںبحق ہوگئے جبکہ تین افراد شدید زخمی ہوگئے جاںبحق افراد کی نعشیں اور زخمیوں کو ٹی ایچ کیو ہسپتال بورے والا پہنچا دیا گیا ایک ہی خاندان کی چار نعشیں جب گھر پہنچیں تو کہرام برپا ہوگیا ہر آنکھ اشکبار تھی ۔
