مظفرآباد (نوائے وقت رپورٹ) مظفرآباد کے علاقے پٹہکہ میں چیئر لفٹ کی رسی ٹوٹ گئی جس سے 3 افراد پھنس گئے۔ پاک فوج اور ریسکیو ٹیموں نے کیبل کار میں پھنسے تینوں افراد کو بحفاظت ریسکیو کر لیا۔ 3 مارچ کو مظفرآباد کے نواحی علاقے پٹہکہ کے گاؤں منڈگراں میں دریا عبور کرتے ہوئے لفٹ کی رسی ٹوٹ گئی تھی۔ آرمی اور ریسکیو ٹیموں نے ٹوٹی ہوئی رسی کی مرمت کا کام بھی مکمل کیا۔ تینوں مسافروں کو بحفاظت ریسکیو کر لیا گیا اور کوئی جانی نقصان نہیں ہوا۔ علاقہ مکینوں نے پاک فوج اور ریسکیو کے عملے کی بروقت کارروائی کو سراہا۔