ملتان (نوائے وقت رپورٹ) سابق وزیراعظم یوسف رضا گیلانی نے سینٹ الیکشن لڑنے کا فیصلہ کر لیا۔ گیلانی ہاؤس کے ترجمان کے مطابق  یوسف رضا گیلانی نے سینٹ الیکشن کے کاغذات نامزدگی جمع کرا دیئے ہیں۔ ترجمان گیلانی ہاؤس کا کہنا ہے کہ کاغذات نامزدگی الیکشن کمشن میں ان کے وکلاء کی جانب سے جمع کرائے گئے ہیں  تاہم یوسف رضا گیلانی کی خالی نشست پر الیکشن کون لڑے گا یہ فیصلہ قیادت کرے گی۔ اس سے قبل خبریں سامنے آئی تھیں کہ پیپلز پارٹی نے سینیٹر  یوسف رضا گیلانی کو چیئرمین سینٹ کا امیدوار  بنانے کا فیصلہ کر لیا ہے۔ یوسف رضا گیلانی کے قریبی لوگوں کا کہنا تھا کہ وہ قومی اسمبلی کا حصہ رہنا چاہتے ہیں۔