لاہور ( خصوصی نامہ نگار ) رمضان المبارک میں عمرہ کی سعادت حاصل کرنے والے عازمین عمرہ کیلئے جامعہ اشرفیہ لاہور کے شعبہ حج و عمرہ و تربیت کے زیر اہتمام ماہانہ خصوصی عمرہ تربیتی پروگرام حاجی عتیق انورکی زیرنگرانی منعقد ہوا،جس میں عازمین عمرہ خواتین وحضرات نے بڑی تعداد میں شرکت کی، پروگرام سے پروفیسر مولانا محمد یوسف خان اورمفتی محمد زکریا نے عمرہ کی عظمت و فضیلت، احرام باندھنے، طواف، سعی، حلق، قصر کے طریقے، مکہ مکرمہ، مدینہ منورہ کے فضائل اور روضہ اقدس پر حاضری کے آداب کے حوالے سے تربیتی خطاب کیا۔