فیروزوالہ :راجباہ سوہل کلاں میں کئی مقامات پر شگاف‘ہزاروں ایکڑ گندم کی فصل تباہ 

 فیروزوالہ( نامہ نگار)راجباہ  سوہل کلاں میں کئی مقامات پر شگاہ پر جانے سے ہزاروں ایکڑ گندم کی فصل تباہ ہو گئی ‘ سینکڑوں دیہاتی محکمہ آبپاشی کی غفلت اور لاپرواہی کے خلاف سراپہ احتجاج بن گئے جنہوں نے سخت نعرہ بازی بھی کی۔ مظاہرین کا کہنا تھا کہ کئی سال سے اس علاقہ میں نہروں اور راجباہوں کی سالانہ صفائی نہیں کی گئی۔ اچانک راجبا ہ سوہل کلاں میں پانی چھوڑ دینے کے باعث پہلے سے پڑے ہوئے شگافوں سے نہر میں کٹ پڑ گئے ۔مظاہرین نے وزیراعلی سے مطالبہ کیا ہے کہ گزشتہ پانچ سال کے دوران ضلع شیخوپورہ کے محکمہ آبپاشی کو جاری اربوں روپے کے فنڈز سے ہونے والے ترقیاتی کاموں کی فوری طور پر فزیکل چیکنگ کروائی جائے۔