چناب نگر(نمائندہ نوائے وقت )تیز رفتار کو سٹر وین الٹنے سے دو نو جوان جاں بحق اور12مسافر زخمی ہوگئے ‘چناب نگر سرگودھا روڈ احمد نگر کے قریب سرگودھا کی طرف جانے والی مسافر کوسٹر وین نمبر LES-1490 جو کہ بس کو اووٹیک کرتے ہوئے تیز رفتاری کے باعث اُلٹ گئی‘ جس کے نتیجہ میں 38سالہ عدنان سکنہ سرگودھا 30سالہ نو جوان نا معلوم موقع پر جاں بحق ہو گئے جبکہ حادثہ میں فرحان ‘ عذراں بی بی ‘ لبنان بی بی ‘ساجدہ ‘زبیدہ بی بی‘ صائمہ ‘ سمیرا‘مدثر ‘ گل‘ عبداللہ‘عائشہ ‘ رضیہ بی بی زخمی ہوئی اطلاع پر ریسکیو 1122کے عملہ نے چار زخمیوں کو ابتدائی امداد دی اور8 زخمیوں کو فوری ہسپتال منتقل کیا ۔