حافظ آباد:محکمہ اطلاعات و ثقافت کے زیر اہتمام پہلا پنجاب مصوری مقابلہ 

حافظ آباد(نمائندہ خصوصی+نمائندہ نوائے وقت ) پنجاب کونسل آف دی آرٹس گوجرانوالہ ڈویژن محکمہ اطلاعات و ثقافت حکومت پنجاب کے زیر اہتمام پہلا پنجاب مصوری مقابلہ 2024 کا انعقاد،  جس میں35 سے زائد طالبات نے شرکت کی۔مقابلے کا دورانیہ 3 گھنٹے تھا۔مقابلے میں شامل طالبات نے رنگوں کے استعمال سے اپنے خیالات کو کینوس پر تخلیق کیا۔نتائج کے مطابق ضلع کی سطح پر پہلی پوزیشن مریم  امجد،دوسری پوزیشن افرا سبین جبکہ تیسری پوزیشن تحریم فاطمہ نے حاصل کی۔پوزیشن ہولڈرز کو 15ہزار،10 ہزار اور 5 ہزار کے کیش انعامات اور سرٹیفیکیٹس دئیے گئے ۔جبکہ مقابلہ میں حصہ لینے والی طالبات میں بھی شمولیت کے سرٹیفیکیٹس تقسیم کیے گئے۔ضلع کی سطح پر کامیاب ہونے والے خوش نصیب 6مارچ کو ڈویژن کی سطح پر مقابلے میں شرکت کریں گے۔ پروگرام کے مہمان خصوصی ایڈیشنل ڈپٹی کمشنر (جنرل) حمد اللہ تھے ،ڈائریکٹر کالجز اظہر جنجوعہ اور دیگر شریک تھے۔