دا فیوچر اوسس سکول مصطفی آباد میں تقریب تقسیم انعامات

قصور(نمائندہ نوائے وقت) دا فیوچر اوسس سکول مصطفی آباد میں تقریب تقسیم انعامات ، مہمان خصوصی شرافت علی گوگا، صدر پریس کلب قصور حاجی محمد شریف مہر نے بچوں میں انعامات تقسیم کئے، بچوں نے ٹیبلوز پیش کئے،مہانوں کو پھولوں کے ہار بھی پہنائے گئے۔ دا فیوچر اوسس سکول مصطفی آباد میں سالانہ رزلٹ برائے تقسیم انعامات کے سلسلہ میں تقریب کا اہتمام کیا گیا۔ تقریب کا آغاز تلاوت کلام پاک اور نعت رسول مقبول سے کیا گیا، پہلی کلاس سے پانچویں کلاس تک کی طلبہ نے مختلف موضوعات پر ٹیبلو پیش کئے، طلبہ نے اساتذہ کی عظمت، ملک سے محبت ، تعلیم کی اہمیت کے حوالے سے اپنے اپنے خیالات کا اظہار کیا۔ مہمان خصوصی مہر شرافت علی گوگا نے اظہار خیال کرتے ہوئے کہا اساتذہ ہمارے بچوں کا مستقبل سنوارنے کیلئے جس انداز میں دن رات محنت کر رہے ہیں وہ قابل تحسین ہیں۔