ٹریفک حادثات ‘2 ڈرائیوروں سمیت 4افراد ہلاک‘18باراتیوں سمیت30 زخمی 

 فیروزوالہ( نامہ نگار) ٹریفک کے مختلف حادثات میں 2ڈرائیوروں سمیت 4 افراد ہلاک جبکہ باپ بیٹے سمیت 30 افراد زخمی ہو گئے جن میں 18باراتی بھی شامل ہیں جن کو مختلف ہسپتالوں میں داخل کرا دیا گیا۔ کوسٹر ڈرائیور مدثر علی شاہدرہ کے علاقہ یوسف پارک سے بارات لے کر فیصل آباد جا رہا تھا‘ جب ان کی گاڑی خانپور نہر کے قریب پہنچی تو تیز رفتارٹرک بے قابو ہو کر ویگن سے ٹکرا گیا جس کے نتیجہ میں ویگن ڈرائیور مدثر علی موقع پر ہلاک جبکہ بارات کے شرکاء 18 افراد مزمل علی یوسف، سدرہ بی بی ،حنیف‘ لائبہ بی بی ،شاہین شکیل، سحر بی بی‘ مشتاق حسن اور صابر وغیرہ زخمی ہو گئے جن کو ہسپتال داخل کرا دیا گیا ۔ دو زخمیوں کی حالت نازک بیان کی جاتی ہے۔ ٹرک ڈرائیور موقع سے فرار ہوگیا۔ فیکٹری ایریا پولیس نے ٹرک ڈرائیور کے خلاف مقدمہ درج کر لیا۔ لاہور روڈ پر تیز رفتار کیری ڈبہ نے بے قابو ہوکر دو موٹر سائیکلوں اور کھڑے ڈرائیور عمران کو روند ڈالا‘ ڈرائیور عمران موقع پر ہلاک جبکہ دو موٹرسائیکلوں پر سوار اسماعیل اور اس کے دو بیٹے سمیت چار افراد زخمی ہو گئے۔ لاہور روڈ پر منڈیالی کے قریب تیز رفتار ویگن بے قابو ہو کر شادی والی کار سے ٹکرا گئی‘ کار سواد خاتون صفیہ بی بی ہلاک اس کے دو بچوں بھائی ذیشان سمیت چار افراد زخمی ہو گئے جن کو ہسپتال داخل کردیا۔ رائیونڈ لاہور کے رہنے والا ذیشان ہمشیرہ صفیہ بی بی اور بچوں کے ہمراہ فیصل آباد شادی سے فارغ ہو کر واپس آرہی تھی کہ راستہ میں حادثے کا باعث بن گئی ‘فیکٹری ایریا پولیس نے مقدمہ درج کر لیا۔