لاہور(نامہ نگار)شہیدٹریفک وارڈن شہید تنویر اقبال کی قبر پر ایس پی ہیڈکوارٹزر و کینٹ ڈویژن سہیل فاضل نے حاضری دی۔سہیل فاضل نے شہید کی قبر پر پھولوں کی چادر چڑھائی اور فاتحہ خوانی کی۔شہید تنویر اقبال نے سری لنکن ٹیم کی حفاظت کرتے ہوئے جام شہادت نوش کیا۔شہید تنویر اقبال سری لنکن ٹیم کیساتھ بطور پائیلٹ ڈیوٹی سرانجام دے رہا تھا۔انہوں نے کہا کہ پولیس نے ملکی وقار کے تحفظ کیلئے کبھی قربانی سے دریغ نہیں کیا۔ہماری فورس کے جذبے جواں ہیں۔ہم اس ملک کے وقار اور عزت پر حرف نہیں آنے دیں گے۔ہم اپنے شہیدوں کو نہ بھولے ہیں اور نہ ہی بھولیں گے۔