لاہور (سپورٹس رپورٹر) تیسرا پریذیڈنٹ آف پاکستان نیشنل اوپن پولو چیمپن شپ مین ٹورنامنٹ سپانسرڈ بائی عسکری بینک، حبیب میٹرو بینک اور فیصل بینک کے پانچویں دن ڈی ایس پولو نے ایف جی پولو ٹیم کو 10-9 سے ہرا دیا۔ عسکری بینک، حبیب میٹرو بینک اور فیصل بینک کے آفیشلز بھی گراؤنڈ میں موجود تھے۔ ڈی ایس پولو کی طرف سے انگلش کھلاڑی میکس چارلٹن نے آٹھ گول، نکو رابٹس اور احمد علی ٹوانہ نے ایک ایک گول کیا۔ ایف جی پولو کی طرف سے راول لیپ لا سیٹ نے سات،راجہ میکائل سمیع اور ایندریس فرنانڈو نے ایک ایک گول کیا۔ کل منگل کو بی این پولو کا مقابلہ ڈی ایس پولو سے ہوگا۔