بابر اعظم برائن لارا‘سچن ٹنڈولکر کی طرح  وسیم اکرم نے تعریفوں کے پل باندھ دیئے

 لاہور(سپورٹس رپورٹر) سابق کپتان وسیم اکرم نے پشاور زلمی کے کپتان بابراعظم کی تعریفوں کے پل باندھ دیئے۔انہوں نے کہا کہ بابراعظم کا شمار دنیا کے تین ٹاپ بیٹرز میں ہوتا ہے اور اچھے شارٹس کھیلتے ہیں۔ بابراعظم بالکل برائن لارا اور سچن ٹنڈولکر کی طرح ہیں، وہ کوئی ہٹر نہیں جو ایک خراب گیند پر وکٹ گنوادیں بلکہ اچھی گیندوں پر اچھے شارٹس کھیلنے کی اہلیت رکھتے ہیں۔ یہ تینوںبیٹر بائولرز کو وکٹ لینے کا بہت کم موقع دیتے ہیں البتہ آپ انہیں ابتدائی اوورز میں اٹیک کریں تاکہ اندازہ ہو کہ وہ سیٹ ہیں یا مشکل میں پھر آپ کو وکٹ مل سکتی ہے۔