موٹاپے کے عالمی دن کے حوالے سے سیمینارآج ہو گا‘مہمان خصوصی سیکرٹری  سپورٹس راجہ جہانگیر انور ہونگے 

لاہور (سپورٹس رپورٹر)یوتھ افیئرز اینڈ سپورٹس ڈیپارٹمنٹ پنجاب کے زیر اہتمام آج نشترپارک سپورٹس کمپلیکس کی ای لائبریری اور یوتھ سنٹر میں موٹاپے کے عالمی دن کے حوالے سے سیمینار کا انعقاد کیا جارہا ہے۔ مہمان خصوصی سیکرٹری سپورٹس اینڈ یوتھ افیئرز پنجاب راجہ جہانگیر انور اور ڈائریکٹر جنرل سپورٹس پنجاب ڈاکٹر آصف طفیل ہوں گے۔ڈائریکٹر یوتھ افیئرز رانا ندیم انجم نے سیمنار کے حوالے سے کہا ہے کہ اس تقریب میں صحت کے ماہرین اور نوجوانوں کے نمائندے شرکت کریں گے ۔ تمام انتظامات مکمل کر لیے گئے ہیں، ماہرین صحت بالخصوص کھیلوں کی شخصیت کیلئے موٹاپے کے منفی اثرات کو اجاگر کریں گے۔ سیمینار میں کھیلوں سے تعلق رکھنے والی شخصیات اور مختلف کالجوں اور یونیورسٹیوں کے طلباء طالبات کی بڑی تعداد شرکت کریگی۔