کوئٹہ (آئی این پی+ اے پی اے) مچھ میں روڈ کے کنارے نصب کریکر بم دھماکہ، 2سکیورٹی اہلکار زخمی ہو گئے۔ مچھ کانٹا قبرستان کے قریب نصب کریکر بم دھماکہ اس وقت زور دار دھماکے سے پھٹ گیا جب سکیورٹی اہلکاروں کا قافلہ اس مقام پر پہنچا، دھماکہ سے دو سکیورٹی اہلکار شیراز اور اشرف شدید زخمی ہو گئے۔ علاوہ ازیں کوئٹہ سے لاہور آنے والی کوئٹہ ایکسپریس پر مچھ کے قریب نامعلوم افراد نے راکٹوں سے حملہ کر دیا تاہم ٹرین کے تمام مسافر محفوظ رہے۔ نامعلوم افراد نے قریبی پہاڑیوں سے 2راکٹ فائر کئے جو ٹرین کے قریب گر کر پھٹ گئے۔ حکام کے مطابق ٹرین کو سبی روانہ کر دیا گیا۔ واقعہ کے بعد سکیورٹی فورسز کے اہلکاروں نے پورے علاقے کو گھیرے میں لے لیا لیکن تاحال کوئی گرفتاری عمل میں نہیں آئی۔