محسن خان سندھ بیس بال ایسوسی ایشن کے صدر کاشف شیخ سیکرٹری منتخب

لاہور (سپورٹس رپورٹر+نمائندہ سپورٹس)سندھ بیس بال ایسوسی ایشن کی جنرل کونسل اجلاس میں اگلی چار سالہ مدت کے لیے نئے عہدیداران کا چناو عمل میں لایا گیا۔ محمد محسن خان صدر، وصال انصاری سینئر نائب صدر، مسز ارم اکبر (چیئرپرسن ویمن)، جاوید عزیز خان ، اطہر خان، وسیم الدین ، پرویز احمد شیخ ، عائشہ ارم اور محفوظ علی نائب صدور منتخب ہوئے۔ کاشف شیخ سیکرٹری اور ندیم ظہیر خزانچی کے عہدہ پر منتخب ہوئے۔ اسد خان ایگزیکٹو ڈائریکٹر، شکیل احمد اور فرخندہ فصیح جوائنٹ سیکرٹری، نعمان الدین ڈائریکٹر اکیڈمی شامل ہیں۔چھ رکنی ایگزیکٹو ممبرز (کوچنگ ، امپائرنگ، یوتھ ) کا بھی انتخاب عمل میں لایا گیا۔
الیکشن کے بعد محمد محسن خان صدر سندھ بیس بال ایسوسی ایشن نے ہاو¿س کا شکریہ ادا کیا۔ اس موقع پر سید فخرعلی شاہ صدر پاکستان فیڈریشن بیس بال نے منتخب ہونے والے ممبران کو کامیابی پر مبارکباد پیش کی۔ فخر شاہ نے بیس بال کی ترویج کے لئے سندھ بیس بال ایسوسی ایشن کو فیڈریشن کے مکمل تعاون کا یقین دلایا۔ اس موقع پر محمد محسن خان صدر سندھ بیس بال ایسوسی ایشن نے ممبران میں سووینیئر تقسیم کئے۔ سید خاورشاہ مرحوم کی بیس بال اور دوسرے کھیلوں کے لئے خدمات کے پیش نظر ان کے لئے لائف ٹائم اچیومنٹ ایوارڈ دیا گیا جو سید فخرعلی شاہ نے وصول کیا۔ اجلاس کے اختتام پر سید فخر علی شاہ نے سندھ بیس بال ایسوسی ایشن میں بیس بال کا سامان تقسیم کیا۔