لندن: یہودیوں کی تقریب میں دھماکہ، 30 زخمی

لندن (اے پی پی+سنہوا) برطانوی دارالحکومت لندن میں یہودیوں کی سالانہ تقریب کے دوران دھماکے کے نتیجہ میں 30 افراد زخمی ہوگئے۔ چینی خبر رساں ادارے کی رپورٹ کے مطابق یہ تقریب لندن کے شمالی حصے میں بدھ کی رات گئے جاری تھی اور لاگ باﺅمر نامی تقریب کی روایت کے مطابق شرکاءلکڑیوں سے جلائی گئی آگ میں موبائل فون پھینک رہے تھے اس دوران دھماکہ ہوگیا۔ دھماکے کے نتیجہ میں 10 افراد آگ سے جھلس گئے اور باقی 20 بھگدڑ کی وجہ سے زخمی ہوئے جنہیں ہسپتال منتقل کر دیا گیا۔
لندن/دھماکہ