کراچی (نوائے وقت رپورٹ) کرونا وائرس سے لڑنے والے ڈاکٹرز اور طبی عملے کو خراج تحسین پیش کرنے کیلئے کراچی کے سب سے اونچے مقام پر سفید جھنڈا لہرا دیا گیا۔ نجی ٹی وی کے مطابق سفید پرچم کئی کلومیٹر دور سے دیکھا جا سکتا ہے۔ سفید پرچم لہرانے کا مقصد کرونا سے لڑنے والے ڈاکٹرز اور طبی عملے کی خدمات کو سراہنا ہے۔ادھر برج الخلیفہ ایفل ٹاور ،امپائر سٹیٹ بلڈنگ،مکائو ٹاور اور کئی مشہور عمارتوں کو سفید روشنیوں سے جگمگا دیا گیا۔