اسلام آباد(نوائے وقت رپورٹ) ملک بھر کے نادرا دفاتر آج سے کھل جائیںگے۔ دفاتر میں داخلے کیلئے ہدایات پر عملدرآمد یقینی بنانا ہوگا۔ ترجمان نادرا کے مطابق دفاتر پیر تا جمعرات صبح دس سے شام چار بجے تک کھلیں گے۔ جمعہ کو دفتری اوقات صبح دس سے ایک بجے تک ہوں گے۔ نئی رجسٹریشن اور بائیو میٹرک تصدیق کرانے والے سائلین کو ترجیح دی جائے گی۔ نادرا سنٹر میں داخلے کیلئے ماسک لگانا، درجہ حرارت چیک کروانا اور ہاتھوں پر سینی ٹائیزر لگوانا لازمی ہو گا۔