سابق صدر سیپ بلاٹر کیخلاف تحقیقات جاری رکھی جائیں ‘فیفا کی سوئٹزر لینڈ سے درخواست

لاہور(سپورٹس ڈیسک)فٹ بال کی عالمی تنظیم فیفا نے سوئٹزرلینڈ کے اٹارنی جنرل سے درخواست کی ہے کہ وہ فیفا کے سابق صدر سیپ بلاٹر کے خلاف تحقیقات جاری رکھیں ۔ رپورٹ میں کہا گیاتھا کہ 84سالہ سیپ بلاٹر کیخلاف ٹی وی حقوق فروخت کی مد میں کرپشن کے الزامات کی مزید تحقیقات نہیں کی جائیں گی ۔ 2015ء میں بلاٹر کیخلاف کھولے گئے کیسز میں سے یہ ایک کیس ہے ۔ فیفا کے مطابق سوئٹزرلینڈ کے اٹارنی جنرل کو باقاعدہ درخواست دیدی گئی ہے تاکہ تحقیقات کو جاری رکھا جاسکے ۔