لاہور(کامرس رپورٹر) فائونڈرز گروپ کے رہنما اور لاہور کے ممتاز تاجر انصر سعید بٹ کی جانب سے کاشف انور صدر لاہور چیمبر آف کامرس اینڈ انڈسٹری اور وقار احمد میاں’’ستارہ پاکستان‘‘ چیئرمین مارکیٹس کوآرڈینیشن کمیٹی فاونڈرز گروپ کے اعزاز میں پرتکلف عشائیہ کا اہتمام کیا گیا۔ جس میں سابق سینئر نائب صدور کاشف یونس مہر ، رحمان عزیز چن ، سابق نائب صدر ذیشان خلیل ، ممبران مجلس عاملہ جبار خالد ، راجہ حسن اختر ، ہارون اروڈا ، عمران بشیر ، ملک محمد خالد گجر ، چوہدری شہزاد اسلم ، ذیشان سہیل ،رائو خورشیداحمد ، میاں فریاد احمد، ڈاکٹر احسن وارث ، سید سلمان ، ملک اعجاز احمد ، ملک فاروق حفیظ اور شہر بھر کی مختلف مارکیٹوں اور صنعتی علاقوں کے عہدیداران اور نمائندوں نے شرکت کی۔ تقریب میں شریک مہمانوں نے پیاف فائونڈرز الائنس کے ساتھ اپنی مکمل یکجہتی کا اظہار کیا اورآئندہ الیکشن لاہور چیمبر میں بھرپور حصہ لیکر کامیابی حاصل کرنے کا عزم کا اظہار کیا۔