کراچی: پاکستانی ڈرامہ انڈسٹری کی معروف اور خوبرو اداکارہ مدیحہ امام رشتہ ازدواج میں منسلک ہوگئیں۔اداکارہ مدیحہ امام جنہوں نے پاکستانی ڈراموں میں اداکاری سے شہرت حاصل کی، انہوں نے اپنی شادی کی خبر انسٹاگرام پر مداحوں کو سنائی۔
اداکارہ مدیحہ امام کا کہنا تھا کہ شادی یکم مئی 2023 کو ہوئی .تاہم انہوں نے اپنے ہمسفر کے حوالے سے کوئی بات نہیں کی۔
مدیحہ امام نے اپنے چاہنے والوں سے دعاؤں میں یاد رکھنے کی عرض کرتے ہوئے کہا کہ ’وہ نئی زندگی کی شروعات پر ہم دونوں کو دعاؤں میں رکھیں‘۔
مدیحہ امام کی پوسٹ پر اُن کے پرستاروں اور مداحوں نے مبارک باد دی اور اُن کیلیے نیک تمناؤں کا اظہار بھی کیا۔ جبکہ اُن کے چاہنے والوں کی جانب سے مبارکبادیں دینے کا سلسلہ جاری ہے۔
علاوہ ازیں مدیحہ امام کو ساتھی اداکاراؤں ماورا حسین، عائزہ خان، اربیہ حبیب سمیت دیگر نے بھی شادی کے بندھن میں بندھنے پر مبارک باد پیش کی۔
