مانسہرہ انٹرچینج، چالان کرنے پر کار سوار کی فائرنگ‘ سب انسپکٹر شہید 

پشاور (نوائے وقت رپورٹ) ہزارہ ایکسپریس وے پر پولیس پر فائرنگ کا واقعہ پیش آ یا جس میں سب انسپکٹر عامر شہید جبکہ ساتھی اہلکار زخمی ہو گیا۔ ذرائع کے مطابق واقعہ مانسہرہ بیدڑہ انٹرچینج پر پیش آیا۔ شہید سب انسپکٹرعامر کی نعش اور زخمی سپاہی نوید کو کنگ عبداللہ ٹیچنگ ہسپتال منتقل کر دیا گیا۔ پولیس نے ملزم کی گرفتاری کیلئے علاقے کو گھیرے میں لے لیا۔ واقعہ پشاور سے مانسہرہ آنے والی کار کا چالان کرنے پر پیش آیا۔ ڈی پی او مانسہرہ شفیع اللہ بھی ہسپتال پہنچ گئے۔