اسلام آباد(سپورٹس رپورٹر)انٹرنیشنل کرکٹ کونسل (آئی سی سی)نے ٹی ٹوئنٹی ورلڈکپ 2024 کا آفیشل ترانہ جاری کردیاآئی سی سی مینز ٹی 20 ورلڈ کپ 2024 کا آفیشل ترانہ آؤٹ آف دِس ورلڈ گریمی ایوارڈ یافتہ ریپر شان پال اور سپر اسٹار کیس نے گنگنایا ہے میوزک ویڈیو میں آٹھ بار اولمپک گولڈ میڈلسٹ جیتنے والے یوسین بولٹ، ویسٹ انڈیز کے کرکٹ لیجنڈز کرس گیل، شیو نارائن چندر پال، اور اسٹیفنی ٹیلر کے علاوہ امریکا کے بالر علی خان سمیت دیگر کیریبین شخصیات شامل ہیں ٹی ٹوئنٹی ورلڈ کپ یکم جون سے 29جون تک امریکا کے 3اور ویسٹ انڈیز کے 6مقامات پر کھیلا جائے گا امریکا کے گرینڈ پریری اسٹیڈیم میں اس ٹورنامنٹ کا آغاز ہوگاٹورنامنٹ میں 20ٹیمیں 55میچز کھیلیں گی ٹی ٹوئنٹی ورلڈکپ کیلئے آسٹریلیا،نیوزی لینڈ،بھارت ،افغانستان،انگلینڈ،جنوبی افریقہ،نیپال،عمان اور کینیڈا کی ٹیمزنے اسکواڈ کا اعلان کردیا ہے