پی سی بی نے آئرلینڈ اور انگلینڈ کی ٹی ٹونٹی سیریز کیلئے کوچنگ سٹاف کا اعلان کردیا

 پاکستان کرکٹ بورڈ (پی سی بی) نے آئرلینڈ اور انگلینڈ کے خلاف اپنی آئندہ ٹی ٹوئنٹی انٹرنیشنل (ٹی ٹوئنٹی) سیریز کے لیے کوچنگ اسٹاف کا اعلان کر دیا ہے۔ آئرلینڈ کے خلاف آئندہ سیریز تین میچوں پر مشتمل ہے اور یہ 10 سے 14 مئی تک کھیلی جائے گی۔ اس کے بعد مین ان گرین 22 مئی سے 30 مئی تک شیڈول چار میچوں کی ٹی ٹونٹی سیریز کے لیے انگلینڈ جائیں گے۔ پاکستان کے سابق فاسٹ باؤلر اظہر محمود کو سیریز کے لیے ہیڈ کوچ مقرر کر دیا گیا ہے۔ بعد ازاں وہ اسسٹنٹ کوچ کا کردار سنبھالیں گے جب ٹیم انگلینڈ کا سفر کرے گی اور وائٹ بال ٹیم کے ہیڈ کوچ گیری کرسٹن کے ساتھ کام کرے گی۔ اظہر محمود کے ساتھ وہاب ریاض سینئر ٹیم منیجر کے فرائض انجام دیں گے۔محمد یوسف کو بیٹنگ کوچ کی ذمہ داری سونپی گئی ہے۔ سعید اجمل اسپن بولنگ کوچ کے طور پر اپنی ذمہ داریاں جاری رکھیں گے۔ اس کے علاوہ آل راؤنڈر شاداب خان اور تیز گیند باز حسن علی بھی آئرلینڈ میں ٹیم کو جوائن کرنے والے ہیں۔ آئرلینڈ اور انگلینڈ کی سیریز کے لیے پاکستانی سکواڈ بابر اعظم، محمد رضوان، صائم ایوب، فخر زمان، عرفان خان نیازی، افتخار احمد، عثمان خان، اعظم خان، شاداب خان، عماد وسیم، شاہین شاہ آفریدی، محمد عامر، نسیم شاہ، حارث رؤف، عباس آفریدی، ابرار احمد، حسن علی، سلمان علی آغا پر مشتمل ہے