ایم کیو ایم کی جانب سے جاری کردہ اعلامیہ کے مطابق ایم کیو ایم کے مقتول رہنما ڈاکٹرعمران فاروق کی نماز جنازہ آج لندن میں ویسٹ ہیڈن کی مرکزی مسجد میں ادا کی جائیگی اور جمعہ کے روز انکی میت لندن سے پاکستان کیلئے روانہ کی جائیگی جوہفتہ کو کراچی پہنچے گی جبکہ اسی روز جناح گراؤنڈ عزیزآباد میں ان کی نماز جنازہ ادا کی جائیگی۔اعلامیہ کے مطابق ڈاکٹرعمران فاروق کو شہدا قبرستان یسین آباد میں سپرد خاک کیا جائے گا۔ڈاکٹر عمران فاروق کا سوئم اتوار کو ہوگا۔ایم کیوایم کے اعلامیہ کے مطابق ڈاکٹرعمران فاروق کی تدفین اور سوئم کے سلسلے میں جمعرات سے اتوار تک ایم کیوایم نے اپنی تمام سیاسی اور تنظیم سرگرمیاں معطل کردی گئیں ہیں۔ اس سے قبل ایم کیو ایم رابطہ کمیٹی لندن اورپاکستان کا مشترکہ اجلاس ہوا جس میں ڈاکٹرعمران فاروق کی کراچی میں تدفین کے حوالے سے انتظامات کو حتمی شکل دی گئی اجلاس کی صدارت ڈپٹی کنوینر ڈاکٹرفاروق ستار نے کی۔