حافظ آباد + جلالپور بھٹیاں (نمائندہ نوائے وقت+نامہ نگار) شادی میں جانے والے موٹرسائیکل سوار میاں بیوی تیز رفتار ویگن کی ٹکر سے ہلاک ہو گئے جب کہ ان کے بیٹے کو تشویشناک حالت کے باعث لاہور منتقل کر دیا گیا ہے۔ محلہ مغل پورہ کا رہائشی موٹرسائیکل مکینک سعید احمد اپنی اہلیہ یاسمین اور بچوں کے ساتھ حافظ آباد کی جانب جا رہے تھے کہ سولنگی کے قریب سامنے سے آنے والی ویگن نے ٹکر مار دی۔ نامہ نگار کے مطابق 4 شدید زخمیوں کو ڈسٹرکٹ ہسپتال لایا گیا۔