لاہور( این این آئی)نامور اداکارہ جاناں ملک نے کہا ہے کہ کسی بھی شخص کی کامیاب زندگی میں خوبصورتی اور صلاحیتوںکابڑا عمل دخل ہوتا ہے ، اپنی صلاحیتوں کے بل بوتے پر موجودہ مقام حاصل کیا ہے جسے بر قرار رکھنے کیلئے ہر وقت کوشاں رہتی ہوں ۔ اس سے انکار نہیں کیا جا سکتا کہ خوبصورت چہرہ خدا کا تحفہ ہوتا ہے لیکن کامیابی کےلئے صلاحیتوں کا ہونا بھی نا گزیر ہے ۔ میرے نزدیک ہر انسان ہی خوبصورت ہوتا ہے لیکن صلاحیتوں کے اعتبار سے مختلف کیٹگریز ہیں ۔ جاناں ملک نے کہا کہ خوبصورتی کے ساتھ صلاحیتوں کا حامل ہونا اوپر والے کا خاص کرم ہے اور میں اس پر ہر دم شکر بجا لاتی ہوں ۔