لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران شہریوں سے لاکھوں روپے کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوئوں نے جنوبی چھائونی میلاد چوک میں عمران کے گھر گھس کر اہلخانہ کو گن پوائنٹ پر یرغمال بنا کر8 لاکھ روپے، ساندہ کے علاقہ کیپٹن جمال روڈ کے رہائشی تسلیم کے گھر گھس کر 5 لاکھ روپے، جوہر ٹائون شادی کھوئی کے رہائشی سرفراز کے گھر سے3 لاکھ روپے مالیت کی نقدی، طلائی زیورات، موبائل فون اور دیگر سامان لوٹ لیا ہے۔ ڈاکوؤں نے شاہدرہ ٹائون جہا نگیر پارک میں زاہد کے اہلخانہ کو گن پوائنٹ پر یر غمال بنا کر8 لاکھ روپے، ٹائون شپ میں زید اور اس کی فیملی سے 5 لاکھ روپے، ستوکتلہ واپڈا ٹائون میں غلام مصطفی اور اس کی فیملی سے4 لاکھ روپے، ملت پارک یونین پارک میں عثمان اور اس کی فیملی سے3 لاکھ روپے کی نقدی، طلائی زیورات اور موبائل فون لوٹ لئے۔ ڈاکوؤں نے نواں کوٹ میں عثمان ،گارڈن ٹائون کیمپس کے پاس سلیمان شاہد جبکہ سول لائن برڈ وڈ روڈ پر عمران سے موٹر سائیکلیں اور مو بائل فون اور ہزاروں روپے نقدی لوٹ لی۔ ڈاکوؤں نے جوہر ٹائون جی ون میں عمر سے 30 ہزار اور موبائل فون لوٹ لیا۔ ڈاکوؤں نے شہر کے مختلف علاقوں میں راہزنی کی وارداتوںمیں 12شہریوں سے موبائل فون اور ہزاروں روپے نقدی لوٹ لی۔ چوروں نے گلشن اقبال سے شہباز ، گوالمنڈی سے رمضان، ڈیفنس بی سے طارق، شیرا کوٹ سے گوہر اعجاز کی کاریں جبکہ گوالمنڈی سے رفیق، سول لائن سے گلشن، قلعہ گجر سنگھ سے فاروق، نولکھا سے عمران، باغبانپورہ سے امیر خان، ہربنس پورہ سے طارق ، بھاٹی گیٹ سے رانا ریاض، اسلام پورہ سے منظور اور شرافت،کی موٹر سائیکلیں چوری کر لیں۔