واہگہ پر پاکستان زند باد کے نعرے گونجتے ہیں، دیکھنا ہے دشمن ختم کرنا تو نہیں چاہتا: پرویز رشید

لاہور (این این آئی) وفاقی وزیر اطلاعات و نشریات سینیٹر پرویز رشید نے کہا ہے کہ واہگہ بارڈر ہر حوالے سے حساس جگہ ہے، یہاں پاکستان زندہ باد کے نعرے گونجتے ہیں، دیکھنا پڑے گا کہ کوئی ہمسایہ ملک ان نعروں کو ختم کرنے کے درپے تو نہیں ؟ نجی ٹی وی سے گفتگو کرتے ہوئے پرویز رشید کا کہنا تھا کہ سانحہ واہگہ بارڈر میں اندرونی یا بیرونی ہاتھ ملوث تو نہیں ، سارے آپشنز پر تحقیقات جاری ہیں بہرحال یہ واضح ہے کہ یہ ملک دشمن ایجنڈا کا حصہ ہے۔ انہوں نے کہا کہ دہشتگردی کے واقعات پر سیاسی پوائنٹ سکورنگ نہیں ہونی چاہئے ، ملکی مفادات پر پاکستانی بن کر سوچنا پڑے گا ۔ قومی سوچ اور اپروچ ہی ملک کو امن کا گہوارا بنا سکتی ہے ،پرویز رشید کا کہنا تھا کہ حکومت دہشت گردی کی جڑیں کاٹے بغیر چین سے نہیں بیٹھے گی۔