اسلام آباد (آن لائن) پاکستان نے وزیر اعظم نواز شریف کی خصوصی ہدایت پر گندم سے بھرا جہاز افغانستان کو عطیہ کر دیا ہے ۔ ترجمان دفتر خارجہ قاضی خلیل اللہ کے مطابق پاکستان نے وزیرا عظم نواز شریف کی ہدایت پر منگل کے روز جذبہ خیرسگالی کے تحت گندم سے بھرا جہاز افغانستان بجھوا دیا ہے ،ترجمان کے مطابق افغانستان میں موجو دپا کستانی سفیر نے گندم وصول کی اور کابل ائیرپورٹ پر افغان حکومت کے حوالے کی۔ ترجمان کے مطابق اٖفغان حکومت نے گندم کے عطیہ کو قبول کرتے ہوئے پاکستانی حکام کا شکریہ ادا کیا ہے۔