بلوچستان انٹرنیشنل سکواش: فرحان محبوب کی پہلے میچ میں کامیابی

لاہور(نمائندہ سپورٹس) عالمی نمبر 80 پاکستان کے فرحان محبوب نے بلوچستان انٹرنیشنل سکواش چیمپئن شپ کے پہلے میچ میںعالمی نمبر 29 میکسیکو کے سیسر سالازارکو ٹف ٹائم دیا، پہلے دونوں سیٹوںمیں کامیابی کے بعد غیرملکی کھلاڑی تیسرے سیٹ میں انجری کا شکار ہوکر میچ سے باہر ہوگئے۔عالمی نمبر 105 پاکستانی کھلاڑی شاہ جہان خان اورعالمی نمبر 39 ملائشیا کے نافزوان عدنان کے درمیان سخت مقابلہ ہوا جو ایک گھنٹے تک جاری رہا، نافزوان نے پانچ میں سے تین سیٹ جیت کر مقابلہ اپنے نام کیا۔ہانگ کانگ کے لیو اے یو نے پاکستان کے عبدالمالک کو جبکہ عالمی نمبر 16 انگلینڈ کے جیمز ڈکلن نے احسن ایاز کو شکست دی۔فرحان محبوب نے میکسیکو کے سیسر سالازار کے خلاف ابتدائی دو نوں سیٹ 11-7 اور 11-9 سے جیتے ،اس موقع پر انہوں نے انجری کا بہانہ کرکے تیسرے سیٹ میں نہ کھیلنے کا فیصلہ کیا اور میچ سے باہر ہوگئے۔ ہانگ کانگ کے لیو اے یو نے پاکستان کے عبدالمالک کو 11-6، 11-8 اور11-3 سے شکست دی۔تیسرے میچ میں انگلینڈکے جیمز ڈکلن نے عالمی نمبر 95 پاکستان کے احسن ایاز کو 11-7، 11-8 اور 11-5 سے شکست دی۔پاکستان کے شاہ جہان خان اور ملائشیا کے نافزوان عدنان کے درمیان ہوا جو انتہائی سنسنی خیز رہا،نافزوان نے پہلے سیٹ میں 11-8 سے فتح اپنے نام کی لیکن اگلے سیٹ میں شاہ جہان نے فائٹ بیک کیا اور 6-11 سے کامیابی حاصل کرکے مقابلہ ایک ایک سے برابر کردیا۔تیسرے سیٹ میں نافزوان نے 11-6 کی برتری حاصل کی جسے چوتھے سیٹ میں شاہ جہان نے 8-11 سے کامیابی حاصل کرکے مقابلہ دو دو سے برابر کردیا۔ پانچویں سیٹ میں نافزوان نے 6-11 سے فتح حاصل کرکے مقابلہ 3-2 جیت لیا۔آج انگلینڈ کے ڈیکلن جیمز اور پاکستان کے فرحان محبوب، میکسکو کے سیزر سالازار اور پاکستان کے احسن ایاز ، ملائیشیا کے نفیذوان اور ہانگ کانگ کے لیو او اور پاکستان کے شاہجہان خان اور پاکستان ہی کے عبدالمالک مدمقابل ہوں گے۔