دفاعی صنعت کی سالانہ نمائش ’’ آئیڈیا 2018‘‘اسی ماہ کراچی میں ہوگی

اسلام آباد ( جاوید صدیق) پاکستان کی دفاعی صنعت اور دفاع کے شعبہ میں اہم ایجادات اور رحجانات سے متعلق سالانہ نمائش ’’آئیڈیا 2018‘‘ کراچی میں نومبر کے وسط میں منعقد ہوگی۔ نوائے وقت کو معتبر ذرائع نے بتایا ہے کہ اس نمائش میں پاکستان میں تیار ہونے والے جدید ہتھیاروں اور دفاعی سازوسامان کی نمائش ہوگی۔ ان ذرائع کے مطابق پی او ایف کی طرف سے ’’آئیڈیا2018‘‘ میں بعض نئے چھوٹے ہتھیار نمائش کیلئے رکھے جائیں گے۔ پاکستان میں تیار ہونے والے چھوٹے ہتھیار مغربی ممالک سمیت دنیا کے کئی ملکوں میں انتہائی مقبول ہیں۔