دوسرا خواتین ون ڈے:پاکستان اوربنگلہ دیش آج پھرمدمقابل

لاہور(سپورٹس رپورٹر) پاکستان اور بنگلہ دیش کی ٹیموں کے درمیان دو ایک روزہ میچوں کی سیریز کا دوسرا میچ آج قذافی سٹیڈیم میں کھیلا جائیگا۔ ہفتہ کو کھیلے گئے سیریز کے افتتاحی میچ میں میزبان پاکستان ٹیم نے 29 رسے کامیابی حاصل کر کے سیریز میں ایک صفر کی برتری حاصل کی تھی۔ گذشتہ روز دونوں ٹیموں کی کھلاڑیوں نے پریکٹس سیشن میں حصہ ہیں لیا تاہم پاکستان اور بنگلہ دیش ومین ٹیموں نے سیف سٹی اور واہگہ بارڈر کی سیر کی۔ سیف سٹی ہیڈ کوارٹر میں دونوں ٹیموں کی کھلاڑیوں کو سیکورٹی کے حوالے سے بریفنگ بھی دی گئی جبکہ بعد سہہ پہر ٹیموں کو واہگہ بارڈر پر پرچم اتارنے کی تقریب دکھائی گئی جس سے کھلاڑیوں نے خوب انجوائے کیا۔ بنگلہ دیش ویمن ٹیم تین ٹی ٹونٹی اورو ایک روزہ میچوں کی سیریز کھیلنے کے لیے پاکستان آئی تھی پاکستان ٹیم نے ٹی ٹونٹی سیریز تین صفر سے جیت رکھی ہے۔