بیٹل آف قلندرز ٹورنامنٹ:ماڈل ٹاون پینتھرز نے مغل پورہ رائلز کو ہرادیا

لاہور(سپورٹس رپورٹر) پاکستان سپر لیگ فرنچائز لاہور قلندر کے زیر اہتمام بیٹل آف قلندرز ٹورنامنٹ جاری جس میں گذشتہ روز کھیلے جانے والے میچ ماڈل ٹاون پینتھرز نے مغل پورہ رائلز کو پانچ وکٹوں سے شکست دی۔ دس دس اوورز میں مشتمل اس میچ میں مغلپورہ رائلز نے پہلے کھیلتے ہوئے 9 وکٹوں پر 83 رنز بنائے۔ یاور بشیر نے ناقابل شکست 44 رنز بنائے جبکہ شاہ رخ چن نے 11 اور اٹھمان علی خان نے 6 رنز سکور کیے۔ ماڈل ٹاون پینتھرز کی جانب سے باولنگ میں ایم رمیز اور احمد حسن نے دو دو جبکہ ذیشان احمد نے ایک وکٹ حاصل کی۔ 84 رنز کا ہدف ماڈل ٹاون پینتھرز نے 9.1 اوورز میں پانچ وکٹوں کے نقصان پر پورا کر لیا۔ سہیل اختر نے 33، ایم شہاب نے 20 اور تیمور سلطان نے 20 ناٹ آوٹ رنز بنائے۔