پسرور+ سیالکوٹ (نامہ نگاران + نمائندہ خصوصی) پسرور میں نوجوانوں نے معمولی تلخ کلامی پر تیل چھڑک کر اپنے مخالف کو آگ لگا دی۔ نوجوان کا جسم بری طرح جھلس گیا‘ لاہور ریفر کر دیا گیا۔ محلہ ارائیاں پسرور میں نومی بٹ وغیرہ 2 ملزمان نے مبینہ طور پر معمولی تلخ کلامی پر جعفر حسین پر تیل چھڑک کر اسے آگ لگا دی۔ اس واقعہ پر بھگدڑ مچ گئی۔ جعفر حسین کے جسم کا بڑا حصہ جل گیا۔ اسے ریسکیو 1122 نے تحصیل ہیڈ کوارٹر ہسپتال پسرور پہنچایا جہاں سے نازک حالت کے پیش نظر اسے لاہور ریفر کردیا گیا ہے۔