لاہور(سپورٹس ڈیسک )بورڈ آف کنٹرول کرکٹ ان انڈیانے بین الاقوامی کرکٹ ٹیم کا ہیڈ کوچ تبدیل کرتے ہوئے راہول ڈریوڈ کو نیا کوچ مقرر کردیا۔ اعلامیہ میں تقرری کی تصدیق کی گئی ہے۔ بتایا گیا ہے کہ بی سی سی آئی کی کرکٹ ایڈوائزری کمیٹی نے متفقہ طور پر راہول ڈریوڈ کو بھارتی ٹیم (سینئر مینز ٹیم) کا ہیڈ کوچ مقرر کردیا ہے۔ راہول ڈریوڈ ٹی ٹونٹی ورلڈکپ کے بعد نیوزی لینڈ کیخلاف ہوم سیریز میں  ذمہ داریاں سنبھالیں گے۔وہ موجودہ کوچ روی شاستری کی جگہ لیں گے۔