نارنگ منڈی : مین شاہراہیں ٹوٹ پھوٹ کا شکار ‘ حادثات میں اضافہ

نارنگ منڈی(نمائندہ نوائے وقت) لاہور سے براستہ مریدکے نارنگ اور شاہدرہ سے براستہ کالاخطائی نارنگ نارووال شکرگڑھ جانے والی مرکزی شاہراہیں عرصہ دراز سے ٹوٹ پھوٹ کا شکار ہیں جن پر بنے جان لیوا کھڈوں کی وجہ سے متعدد حادثات رونما ہو چکے جس میں درجنوں افراد لقمہ اجل بن چکے ہیں مگر ان ٹوٹی پھوٹی سڑکوں پر ریس لگاتی ہوئی بسوں کی رفتار کم نہ ہوسکی مسافروں نے گفتگو کرتے ہوئے کہا ہم روزانہ کی بنیاد پر سفر کرتے ہیں ٹوٹی پھوٹی سڑکوں پرڈرائیور ز ریس لگاتے ہیں اور رفتار خطرناک حد تک بڑھا دی جاتی ہے جو حادثہ کا سبب بنتے ہیں پیٹرولنگ پولیس اور انتظامیہ سے متعدد بار شکایت کی مگر کوئی کاروائی عمل میں لائی جاتی ہے ہم مطالبہ کرتے ہیںکہ ٹوٹی پھوٹی سڑکوں پر ریس لگاتی بسوں کی اووررفتار کے خلاف کاروائی کی جائے ۔