پریس کلب کی لٹریری کمیٹی کے زیر اہتمام سعید آسی کے اعزاز میں تقریب 

لاہور ( نیوز رپورٹر) لاہور پریس کلب کی لٹریری کمیٹی کے زیر اہتمام پریس کلب کے لائف ممبر سینئر صحافی اور شاعر سعید آسی کے اعزاز میں خصوصی تقریب کا انعقاد ہوا۔ تقریب کی صدارت سینئر صحافی سرفراز سید نے کی جبکہ معروف شاعرہ ڈاکٹر صغریٰ صدف مہمان خصوصی تھیں۔ پریس کلب کے صدر اعظم چودھری اور سیکریٹری عبدالمجید ساجد کی میزبانی میں ہونےوالی تقریب کی نظامت کے فرائض طارق کامران نے انجام دیئے۔ سعید آسی کی شخصیت، فن اور خدمات پر گفتگو کرنے والوں میں اعتبار ساجد، علامہ صدیق اظہر، حامد ریاض ڈوگر، دین محمد درد، اشرف سہیل، ڈاکٹر جاوید اقبال ندیم، چودھری ریاض مسعود، شاہ میر، اظہر صدیق ایڈووکیٹ، بیدار سرمدی، ناصر بشیر، اعجاز حفیظ خان، نواز طاہر اور عبداللہ ملک سمیت متعدد شخصیات نے اظہار خیال کیا جبکہ زوار کامریڈ، جاوید قاسم، احمد علی کیف، میم سین بٹ، قمر زمان بھٹی، ابراہیم لکی، ڈاکٹر شجاعت حامد اور سلمان رسول سمیت مہمانوں اور کلب ارکان کی بڑی تعداد بھی موجود تھی۔ ریڈیو گلوکار عنایت عابد نے سعید آسی کا کلام ترنم کے ساتھ پیش کیا۔