پاکستان ‘آئرلینڈ ویمنز کرکٹ سیریز شیڈول کے مطابق ہو گی :پی سی بی 

لاہور(سپورٹس رپورٹر) پاکستان کرکٹ بورڈ نے کرکٹ آئرلینڈ کو یقین دہانی کرائی ہے کہ آئرش ویمنز ٹیم کو کوئی خطرہ نہیں ‘سکیورٹی کے بہترین انتظامات کئے گئے ہیں ۔سابق وزیر اعظم عمران خان پر فائرنگ کے واقعہ کے بعد کرکٹ آئرلینڈ نے پی سی بی رابطہ کیا تھا اور ٹیم کی سکیورٹی کے حوالے سے بات چیت کی تھی ۔ پی سی بی نے کہا ہے کہ سیریز شیڈول کے مطابق ہوگی ۔ آئرش ویمنز سکواڈ کو اس سلسلہ میں بریف کیا گیا ہے ۔ بورڈ کو حالات سے آگاہ کیا جاتا رہے گا۔