لاہور (سپورٹس رپورٹر) پاکستان ویمن کرکٹ ٹیم کی فاسٹ بائولر کائنات امتیاز نے کہا ہے کہ خواہش ہے کہ آئرلینڈ کے خلاف سیریز میں زیادہ سے زیادہ کرائوڈ قذافی سٹیڈیم آئے۔پاکستان ویمن ٹیم ان دنوں آئرلینڈ کے خلاف ون ڈے اور ٹی ٹونٹی سیریز کی تیاریوں میں مصروف ہے۔پاکستان اور آئرلینڈ کی ویمن ٹیموں کے درمیان پہلا ون ڈے میچ آج بروز جمعہ کو قذافی سٹیڈیم لاہور میں کھیلا جائے گا۔کائنات امتیاز نے کہا کہ ہوم سیریز ہونا ایک بہت بڑی بات ہے مجھے امید ہے کہ فینز میچ دیکھنے آئیں گے۔
، کرائوڈ سے مہمان ٹیم کو بھی اچھا تاثر جائے گا اور ہمیں بھی سپورٹ ملے گی، یہ اعزاز کی بات ہے کہ آئرلینڈ کی ٹیم پاکستان کے دورے پر آئی ہے۔ لگتا ہے کہ سیریز میں مقابلے کی کرکٹ ہو گی، ہم نے بھی تیاری اچھی کی ہے، میچز بھی اچھے ہوں گے، ہوم گرائونڈ کا ہمیں فائدہ ہو سکتا ہے لیکن ہم آئرلینڈ کو آسان حریف نہیں سمجھ رہے۔