احمد ظفر حیات نے چیف آف نیول سٹاف امیچور گالف کپ جیت لیا

 اسلام آباد(خبرنگارخصوصی)احمد ظفر حیات نے 17ویں چیف آف دی نیول سٹاف امیچور گالف کپ ٹائٹل جیت لیا۔ ارتضی حسین نیٹ کیٹیگری کے فاتح قرار پائے۔ عالم افضل، حمنا امجد اور عبداللہ خان نے بالترتیب سینئر، لیڈیز اور جونیئر کیٹیگریز میں ٹائٹل جیتے۔ چیف آف دی نیول سٹاف ایڈمرل نوید اشرف اختتامی تقریب کے مہمان خصوصی تھے۔انہوںنے انعامات حاصل کرنے والے کھلاڑیوں کو ان کی شاندار کامیابی پر مبارکباد پیش کی اوران کی مہارت اور اعلی معیار کی تعریف کی۔ انہوں نے سپانسرز، میڈیا اور مارگلہ گرین گالف کلب کی انتظامیہ کی جانب سے مسلسل اور فراخدلانہ تعاون کی بھی تعریف کی۔