تتلے عالی: موٹر سائیکل تیز رفتار ٹرالی سے ٹکرا گئی‘ ماں بیٹا جاں بحق

تتلے عالی،نوشہرہ ورکاں (نامہ نگار+نمائندہ نوائے وقت) موٹر سائیکل اور ٹریکٹر ٹرالی کے تصادم میں ماں بیٹا جاں بحق جبکہ بیٹی شدید زخمی ہوگئی۔ بتایا گیا ہے کہ موضع اڑتالی ورکاں کا داؤد عتیق گزشتہ شام موٹر سائیکل پر اپنی والدہ چالیس سالہ نبیلہ بی بی اور اٹھارہ سالہ بہن سائرہ کو لیکر جا رہا تھا کہ اچانک سامنے سے آنیوالی تیز رفتار ٹریکٹر ٹرالی نے انہیں بری طرح روند ڈالا، نبیلہ بی بی اور داؤد عتیق موقع پر ہی دم توڑ گئے جبکہ سائرہ عتیق کو شدید زخمی حالت میں شیخوپورہ ہسپتال پہنچا دیا گیا ہے۔ ڈرائیور ٹریکٹر ٹرالی سمیت جائے حادثہ سے فرار‘ تتلے عالی پولیس مصروف تفتیش ہے۔