لاہور( این این آئی)سندر پولیس نے دو منشیات فروش خواتین کو گرفتارکر کے46 کلو چرس برآمد کر لی ۔ ایس پی صدر ڈاکٹر غیور احمد کے مطابق ایس ایچ او سندر نے پولیس ٹیم کے ہمراہ کارروائی کر کے منشیات فروش خواتین کیا۔خواتین کو خفیہ اطلاع پر موہلنوال سٹاپ سے حراست میں لیا گیا، خواتین ضلع شیخوپورہ کی رہائشی ہیں اورلاہور منشیات سپلائی کرنے آئی تھیں۔ ایس پی صدر کے مطابق خواتین نے منشیات مختلف تعلیمی اداروں اورہوسٹلز میں فروخت کرنے کا بھی اعتراف کیا ہے۔گرفتار کی گئی خواتین عائشہ اورثمینہ کے خلاف مقدمہ درج کر کے تفتیش کا آغآز کر دیا گیا ہے ۔