پی آئی اے سے ملکی تاریخ جڑی  ہے‘ کراچی کے تاجروں نے بھی  دلچسپی ظاہر کی: گورنر سندھ

کراچی (نوائے وقت رپورٹ) گورنر سندھ کامران ٹیسوری نے کہا ہے کہ پی آئی اے سے ہمارے ملک اور نسلوں کی تاریخ جڑی ہے۔ کراچی کے تاجروں نے وابستگی کی وجہ سے پی آئی اے لینے میں دلچسپی کا اظہار کیا۔ کراچی کے تاجر مسلسل مجھ سے رابطہ کر کے ائر لائن کے معاملے پر بات کر رہے ہیں۔ کراچی کے تاجر چاہتے ہیں ایک سال کیلئے پی آئی اے انہیں دی جائے، وہ نئی ائر لائن شروع کرنے میں بھی سنجیدہ ہیں۔ پنجاب ائیر لائن قائم ہوتی ہے تو بھی اچھا قدم ہے۔