لندن (نمائندہ خصوصی ) صدر مسلم لیگ (ن) نواز شریف نے لندن میں میڈیا سے بات کرتے ہوئے کہا ہے کہ پاکستان دوبارہ ٹریک پر آ رہا ہے۔ شہباز شریف معاشی استحکام کیلئے دن رات محنت کر رہے ہیں۔ پاکستان میں حالات بہتر ہو رہے ہیں۔ نواز شریف 5 دن بعد امریکہ سے لندن پہنچے۔ نواز شریف نے کہا کہ مرکز اور پنجاب میں بہت اچھا کام ہو رہا ہے۔ معاشی اعشاریئے بہتر‘ مہنگائی کم ہو رہی ہے۔ ترقیاتی سکیمیں تیزی سے آ رہی ہیں۔ پنجاب میں مریم نواز بہت اچھا کام کر رہی ہیں۔ انہوں نے کہا کہ اﷲ کرے جو پی آئی اے  کے بارے میں کہا وہ ہو جائے‘ پراجیکٹ پر کام کا ارادہ ہے۔ انہوں نے کہا کوشش ہے غریب آدمی کی زندگی آسان ہو جائے۔