فتح جنگ، دوسرا11روزہ  تحفظ  عقیدہ ختمِ نبوت کورس آج شروع ہوگا 

 فتح جنگ(نامہ نگار)  آج  سے جامع مسجد غوثیہ مہریہ رضویہ نذد پرانا نیشنل بینک فتح جنگ میں اپنی نوعیت کا منفرد دوسرا 11 روزہ تحفظ عقیدہ ختمِ نبوت کورس شروع ہورہا ہے پہلے کورس کی اندرون و بیرونِ ملک شاندار پذیرائی کے بعدیہ دوسرا کورس ان تمام لوگوں کے لیے سنہری موقع فراہم کررہا ہے جو پہلے کورس میں شریک نہیں ہوسکے روزانہ کی بنیاد پر کلاس نماز مغرب کے فوری بعد شروع ہوگی اور اس کا دورانیہ نصف گھنٹہ ہوگا آخر میں سوال و جواب کی نشست بھی ہوگی یہ کورس ''جامعہ غوثیہ مہریہ رضویہ فتح جنگ'' کے آفیشل فیس بک پیج پر دکھانے کا اہتمام کیا گیا ہے خاص بات یہ ہے کہ یہ کورس مخدومِ اہلسنت مجاہدِ ختمِ نبوت وناموسِ رسالت ؐ حضرت علامہ مخدوم ذوالفقار علی حیدری صاحب جو شدید علیل ہیں خود کرارہے ہیں اہلیانِ فتح جنگ وگردونواع کے نام ایک پیغام میں مجاہدِ ختم نبوت مخدوم ذوالفقارعلی حیدری  نے سب اہلِ ایمان کو اس کورس میں شمولیت کی دعوت دی ہے ان کا کہنا تھا کہ یہ انتہائی اہم نوعیت کا کورس ہے وقت کی بنیادی ضرورت بھی ہے ہماری خوش قسمتی ہے کہ یہ ہمارے شہر فتح جنگ میں ہورہا ہے عمر اور تعلیم کی کوئی قید نہیں ہے۔