لیفٹیننٹ(ر)احمد محی الدین نے ڈی پی او چکوال  کا چارج سنبھال لیا

چکوال(نمائندہ خصوصی)لیفٹیننٹ (ر) احمد محی الدین نے بطور ڈسٹرکٹ پولیس آفیسر چکوال اپنے عہدے کا چارج سنبھال لیا تفصیلات کے مطابق آئی جی پنجاب نے مختلف ڈی پی اوز کو تبدیل کردیا چکوال سے کیپٹن ر واحد محمود کا لاہور تبادلہ کردیا گیا جبکہ انکی جگہ لیفٹیننٹ ر احمد محی الدین کو بطور ڈی پی او چکوال تعینات کردیا گیا جنہوں نے ہفتے کے روز بطور ڈی پی او چکوال اپنے عہدے کا چارج سنبھال لیا ہے ڈی پی او آفس چکوال آمد پر انہیں پولیس کے چاک و چوبند دستے نے سلامی پیش کی اس موقع پر ڈی ایس پی آرگنائزڈ کرائم، ڈی ایس پی انوسٹی گیشن، ڈی ایس پی صدر سرکل، ڈی ایس پی ہیڈ کوارٹرز، ڈی ایس پی ٹریفک، ڈی ایس پی لیگل، آر آئی، لائن آفیسر اور تمام ہیڈ آف برانچز ڈی پی او آفس بھی موجود تھے جنکے ساتھ تعارف بھی ہوا ڈی پی او چکوال لیفٹیننٹ ریٹائرڈ احمد محی الدین نے یادگار شھدا پر سلامی دی، شھدا کی بلندی درجات کیلئے دعا کی اور پھول بھی نچھاور کئے گئے۔