اسلام آباد(خبر نگار) الخدمت فانڈیشن شمالی پنجاب کے زیر اہتمام تقریب کا اہتمام کیا گیا،مقصد نومبر میں ہونے والی شاہین سپورٹس لیگ 3.0 کی آگاہی تھا جو کہ یتیم بچوں کی 9 ٹیموں پر مشتمل ہو گی۔ شمالی پنجاب کے 13 اضلاع میں سے 9ٹیمیں اس لیگ میں حصہ لیں گی، ان اضلاع میں بھکر، سرگودھا، راولپنڈی، اسلام آباد ، گجرات، اٹک، میانوالی، چکوال اور جہلم شامل ہیں۔ شاہین سپورٹس لیگ 3.0 کی سب سے خاص بات حال ہی میں پاکستان آئے فلسطینی میڈیکل کے طلبا کا دوستانہ میچ ہے۔ 9 نومبر کولیگ اسلام آباد جناح سپورٹس کمپلیکس میں کھیلی جائے گی جس میں فلسطینی سفیر کے علاوہ دیگر مہمان بھی حصہ لیں گے، شرکا میں رضوان احمد صدر الخدمت فانڈیشن شمالی پنجاب، نمیر حسن جنرل سیکٹری، حامد ملک صدر ضلع اسلام آباد، ہارون الرشید صدر ضلع راولپنڈی اور بلال عباسی اعزازی ممبر صوبائی منیجمنٹ کمیٹی شامل تھے۔